Quenes somos?

Somos Patricia Cobas Pérez e Iria López Basoa, temos 22 e 21 anos. Ambas as dúas estamos a cursar a materia de "Educación Emocional", que se imparte no cuarto curso do Grao en Educación Infantil na Universidade de Santiago de Compostela. Esta materia é unha das optativas que oferta a universidade, decantámonos por cursala xa que nos parece unha formación moi importante para o noso futuro como docentes e como persoas.

A educación emocional está presente nas aulas todos os días e os docentes deben ter desenvolvida a súa propia intelixencia emocional para conseguir un crecemento emocional san nos seus alumnos, sobre todo se se trata de alumnos que se encontran nunha etapa de desenvolvemento tan importante como é a primeira infancia. Ademais, desenvolver este tipo de intelixencia achega moita estabilidade na vida dunha persoa. Por estes motivos decidimos incluír esta materia na nosa formación, e esperamos seguir formándonos dentro desta área para poder axudar aos nosos alumnos e crecer no noso desenvolvemento interno.